Ihr wollt...
An-/Abmelden
- Aktuelle Seite:
- Home
Tag der guten Tat
Am Sa. 25.05.24 sin mir wieder bim "Tag der guten Tat" drbi und sammle wieder kräftig mit emne Stand vor em Coop im Shoppingcenter St.Jakob für e guete Zwäck.
Es wird wieder viel tolli Köschtlichkeite gäh, wie z.B selbergmachti Konfi, Zöpfli, süessi Sache etc. Loss Di überrasche!
Für d'Binggis wirds e supertolle Mool-Wettbewärb gäh, wo's cooli Priise z'gwünne git
Chum au Du verbi, mir sin vom 08:30 bis am 5i z'Oobe vor Ort.
Mir bedanke uns scho jetzt für Euri Spände und es gilt: "dr Schnäller isch dr Gschwinder"
Neumitglieder
D'Fasnacht 2024 isch jetzt Gschicht.
Aber hesch scho ghört, dr neuschti Bricht?
Luegsch musikalisch vorwärts und nid zrugg?
Denn gib Dir JETZT e Rugg!
Mit modärnem Guggesound sin mir am Start
und (versproche!) au am 10. Meerze '25 parat.
Jetzt gits nur no ei Froog zum kläre
und gäll, dörfsch dä Biitrag au gärn "share":
D'Märtfraueli nämme au Männli uf,
eifach 18 muesch si, denn gits kei Buff!
Mir sueche uf allne Regischter tolli Lüt;
uns unverbindlich mol kenne z'lehre koschtet di jo nüt.
Wotsch jetzt au DU e Märtfraueli sii,
denn lueg doch amene Mittwuch uf die 8i z'Oobe bi uns verbi.
Mir sage bis bald und freue uns uf Di
mit fasnächtliche Griess Dini Märtfraueli